Сұрақ: Деструктивті діни ағымдардың қаупі қандай?
Жауап: Ағымдар – діндерден діни реформалар және жаңа идеологиялық танымдармен бөлініп шыққан топтар. Қазіргі таңда әлеуметтік желілерден де жиі көрініс тауып жүр. Дінді бетперде етіп, дәрістер мен ағартушылық әңгімелер арқылы көңіл бөліп, қамқорлық сипатта түрлі амалдарға барады. Олар қажетті адамдарға ерекше ілтипат пен қамқоршылық көрсету арқылы өздеріне баулиды. Қоғамнан бөлектеніп, өз мүшелеріне ережелер қойып оқшаулап отырады. Әдетте мұндай діни ағымдарға салт-дәстүріне бейімсіз, дәстүрлі діни танымы қалыптаспаған, әлеуметтік жағдайы төмен, психикасы тұрақсыз, рухани, мәдени білімі жоқ адамдар бейім болады.
Діни ағым ықпалына түскендерді психологиялық манипуляциялау арқылы еркін ойлануына кедергі жасайды, өз мүшелерін жақын туыстарынан, достарынан оқшаулап ұстауға әрекет етеді. Оның салдары өз-өзіне зиян келтіруге итермелеп, кейбір медициналық қажеттілікті жоққа шығарып пайдалаудан бас тартқызады. Мұндай жағдайға түскен адам барлық жағымсыз іс-әрекетке бейім болады.
Секталардың ықпалына түскен адам арнайы психолог, заңгер, теолог мамандардың көмектеріне жүгінгені абзал. Күдікті, күмәнді ұйымдардан жақындарымызды аулақ ұстап, дер кезінде дұрыс шешім қабылай білейік.
Икрам АЙТАЕВ
