Астанада Қазақстан мұсылмандары діни басқармасының ұйымдастыруымен «Қоғамда ізгілікті насихаттаудың мәдениеті» ІІ Республикалық уағызшылар форумы басталды.
Форумға еліміздің әр аймағынан уағызшы-имамдар, Діни басқармаға қарасты Республикалық ақпараттық-насихат тобының мүшелері қатысып жатыр.
Іс-шара аясында уағыз айту мәдениетіне қатысты ақпараттық-оқу семинары өтіп, уағызшыларға қоғамда түсінбеушілік тудыратын тақырыптарды қозғамау, біржақты пәтуа бермеу, ҚМДБ бекіткен пәтуаларға сүйену, сондай-ақ дәстүрлі рухани құндылықтарды кеңінен насихаттау қажеттілігі түсіндірілмек.
