Елімізде ислам банкінің алғаш ашылуының астарында экономикалық мүдде жоққа тән. Бұл жөнінде Нұр-Мүбарак университетінде өткен «БИЗНЕС ЖӘНЕ ИСЛАМ: ҚАРЖЫ МЕН ИНВЕСТИЦИЯНЫҢ ӨЗЕКТІ МӘСЕЛЕЛЕРІ» атты халықаралық бизнес форумда тәжірибелі эксперт, DBA дәрежелі банкир Әділет Алиевтің сөздерінен мәлім болды. Сондықтан шариғат талаптарына сай банк қызметтерін кеңінен тұтынушыларға ұсыну шектеліп келген. Бірақ болашақ өзгерістер арқылы жаңа есіктер ашылуына үміт те жоқ емес екен. Сондай-ақ форумда қатысушылар тарапыпан ислам банкингінің еліміздегі мүмкіндіктерін кеңейту төңірегінде ұсыныстар жиі айтылды.
Инвестициялық қаржыландыру саласы да басты талқылаулар қатарында болды. Осы тақырыпта «Mudarabah Capital» жалған инвестициялық компаниясы төңірегінде АХҚО əкімшілігіндегі исламдық қаржы басшысы Мадина Тукулова әрбір тұтынушы тек ислам қаржыландыру саласында ғана емес, жалпы қаржылық сауаттылықта болуға шақырды. Себебі кез келген қаржылық компанияның ұлттық реттеуші мекемеден алынған лицензиясы болуы тиіс. Яғни ҚР Қаржы нарығын реттеу және дамыту агенттігі, сондай-ақ Қазақстан Ұлттық банкі тарапынан берілген рұқсатнамасы жоқ «инвестициялық» және «қаржылық» компаниялардың қызметі негізсіз екенін ескертіп өтті.
Сондай-ақ қажылыққа қаржы жинау, қазіргі жасөспірімдерді әуестендіретін компьютерлік клубтар санатындағы орталықтарды қаржыландыру мәселелері, т.б. кәсіпкерлікті дамытуға қатысты сауалдарға профессор Мунзир Қахф кеңінен жауап берді. Мәртебелі мейман форумның көтерген ауқымды мәселелеріне сай ұйымтастырушыларға ризалығын жаудырды. Ал Нұр-Мүбарак университетінің басшылығы құнды білімімен бөліскен америкалық ғалымға шапан жауып, спикерлерге қасиетті Құран аудармасын тарту етті. Қатысушылардың белсенділігіне сай, қаржылық сауаттылықты арттыратын мұндай шаралардың жиі өткізілу қажеттігі де айтылды.
Форумның толық нұсқасы Youtube-тағы @nmuedukz арнасында сақтаулы.
