Бүгін қазақстандықтарды Ораза айт мерекесімен ҚР Парламенті Сенатының төрағасы Мәулен Әшімбаев та құттықтады, ол бұл туралы өз facebook парақшасында жазды.
Құрметті достар!
Баршаңызды Ораза айт мерекесімен шын жүректен құттықтаймын!
Халқымыз бұл мейрамды қашанда ерекше ықыласпен атап өтеді. Осы күндері бір-біріне жақсылық жасауға асығып, қуанышты күйге бөленеді. Сондықтан айт күндері имандылық пен адамгершілік құндылықтары қатар дәріптеледі деуге толық негіз бар.
Рамазан – мұсылман қауымы үшін рухани тазару кезені. Осы айда мол сауаптан үміт етіп, ораза тұтқан жандарға ниеттеріңіз бен дұғаларыңыз қабыл болсын деймін. Ұлық мейрам әр шаңыраққа шаттық пен бақ-береке әкелсін. Еліміз аман, жұртымыз тыныш болсын.
Айттан айтқа аман-есен жете берейік!
