Тараз қаласына арнайы сапармен барған Бас мүфти Наурызбай қажы Тағанұлы Жамбыл ауданы Айша бибі ауылындағы «Һибатулла Тарази» медресе-колледжінің жаңа ғимаратының алғашқы қазығын қақты.
Жамбыл облысының бас имамы Бейбіт Мырзагелдиевтың сөзінше, Алла бұйыртса бұл жерден қыздар медресе-колледжі ашылмақ. Аталған жерді медресе үшін алу оңайға соқпаған. Алайда облыс әкімінің қолдауы және дін қызметкерлерінің табанды еңбегінің нәтижесінде аталған жер телімі діни білім ордасын тұрғызуға берілді.
Қайнар көзі:
muftyat.kz
