«Ақтау қалалық ішкі саясат және тілдерді дамыту бөлімі» мемлекеттік мекемесінің мемлекетті әлеуметтік тапсырыс аясында 2022 жылдың 1 шілде күні “Бекет-Ата” қалалық мешітінде жұма намазына келуші ер жамағаты арасында “Жаханданудың дінге тигізер әсері” атты тақырыпта кездесу өтті.
Кездесуді Республикалық ақпараттық-түсіндіру тобының мүшесі, «Отпан» Ақпараттық-түсіндіру және оңалту орталығының директоры Азамат Нұғманұлы жүргізді.
“Жаханданудың дінге тигізер әсері” тақырыбы бойынша XXI ғасырда діннің саясилану тұстары кеңінен түсіндірілді.
Сонымен бірге “Исламдағы алғашқы үш буын”, “Діни ағымдардың сенімдерінің айырмашылықтары” бағытында инфографилақы әдіспен түсіндірме өтті. Шара барысында Елімізде тыйым салынған “Таблиғи жамағат” ағымы жайлы алдын алу жұмыстары жасалып, “Салафизм” ағымының зардаптары мен қателіктері жайлы ақпарат берілді.
Шара соңында жамағаттың көкейтесті жат ағымдардың белгілері мен араб елдерінің діни және саяси тұрақсыздықтары жайындағы сұрақтарына жауап берілді.
