Түркиядағы жер сілкінісінен кейін тектоникалық жылжу ені 200 метрге дейін жетті. Мұндай ірі қозғалыс табиғи апаттан ең қатты зардап шеккен Хатай провинциясында байқалып отыр.
Суреттен көрініп тұрғандай, қақ айырылған жердің арасы 200 метр, жалпы ауданы 35 га. Сарапшылардың пікірінше, бұл 500 ядролық бомбаның жарылысынан кейін пайда болатын шұңқырмен тең.
Сейсмологтардың айтуынша, Түркия аумағындағы араб және анадолы литосфералық плиталары ішкі қысымның салдарынан 150 шақырым бойына 3 метрге жылжыған. Тіпті тек көлденең емес, тігінен де қозғалған. Салдарынан елдің бір бөлігі 6 метрге төмендеп, су басу қаупін туғызып отыр.
