Ертең Тәжікстанға ресми сапармен Қатар әмірі шейх Тамим бин Хамад әл-Тани келеді деп күтілуде. Таяушығыстық қонақ Душанбеде екі күн болып, тәжік астанасындағы ең ірі мешіттің ашылуына қатыспақ.
“Екіжақты инвестиция негізінде салынған жаңа мешіттің ашылуына Тәжікстан президенті Эмомали Рахмон мен шейх Тамим бин әл-Тани қатысады” деп хабарлады Қатар СІМ.
Сонымен қатар ашылу салтанатына Сауд Арабиясының делегациясы да қатысады деп күтілуде.
Айта кетсек, мешіттің алғашқы қазығы 2009 жылы қағылған болатын. 10 жылдан кейін құрылыс жұмыстары толықтай аяқталғанымен, ашылуы коронавирус пандемиясы салдарынан бірнеше рет кейінге қалдырылды.
Бұл құлшылық үйі – Тәжікстан мен Қатардың ортақ жобасы. Ол жерде бір уақытта 120 мың адам намаз оқи алады. Мешіттің 75 метрлік төрт мұнарасы мен 47 метрлік күмбезі бар.
