Сергелдеңге салған студент

Нұрлан кезінде «Болашақ» халықаралық стипендиясының иегері атанып, Лондонға оқуға түскен еді. Ғылыми жұмысы – халықаралық қатынастарға арналған болатын. Сол тұста «ДАИШ»-тың үндеуі жаханға таралып, Сириядағы соғыс ушықты. Осылайша, жерлесіміз діни көзқарасы әрі радикалды уағыздың күшімен «Сирия синдромын» зерттемекке бекініпті. Оқуын тастап, қарулы қақтығыс алаңына аттанған ол бүгінде заң алдында қылмыскер деп танылды.