2022 жылдың 14 тамыз күні Мұнайлы аудандық ішкі саясат бөлімінің мемлекеттік әлеуметтік тапсырысы аясында әйел жамағаты арасында «Қазақстандағы жаңа діни тенденциялар» тақырыбында РАТТ мүшесі Азамат Тулепов ақпараттық-түсіндіру және интеллектуалды семинар жұмысын жүргізді.
Бүгінгі күні салафизм (уаһабизм) ағымын жақтаушылар дәстүрлі ислам құндылықтары Абу Ханифа мазхабы мен Матуриди сенімін адасушылыққа, теріс ағымға және дінге жаңалық енгізуші ретінде қарастырып, дінге енді бетбұрған жастарды өз қатарларына қосу арқылы сандарын көбейту тенденциялары байқалуда.
Бұл ретте жамағат арасында имам Матуриди сеніміне күмәнмен қарап, Орталық Азияда мың жылдам астам халық ұстанып келе жатқан дәстүрлі бағытты мансұқтайтындар мен адасқандық пен теріске шығарушыларға имам Матуридидің өмір тарихы, оның түрлі теріс ағымдар мен топтарға тойтарыс бергендігі, өмір сүрген кезеңдегі тарихи оқиғалар мен жазған кітаптары жөнінде талқыланды.
Сонымен қатар әйел жамағатқа инфографикалық тәсіл арқылы имам Матуриди сенімінің діни трактоттары имам Абу Ханифаға барып жалғасатыны, ол әрі қарай сахабалардың іліміне, одан кейін Мұхаммед пайғамбардың жолына барып тірелетіндігі жайлы жан-жақты ақпараттық түсіндіру және ағартушылық жұмыстары жүргізілді.
