Қазақстанда санитарлық-эпидемиологиялық бақылау саласындағы тәуекел дәрежесін бағалау критерийлері әзірленді. Енді ПТР тесті мен вакцинация паспортын тексеру заң жүзінде жүргізілетін болады, деп хабарлайды Stan.kz ақпарат агенттігі.
Құжатта тексерулер қалай жүргізілетіні, санитарлық эпидемиологтардың қандай пункттерге назар аударатыны егжей-тегжейлі сипатталған, сонымен қатар кәсіпкерлер үшін заң бұзушылықтардың дәрежесі көрсетілген.
Сәйкестігі тексерілетін 26 норма бар. Құқық бұзушылық дәрежелері өрескел, елеулі және елеусіз болып бөлінеді.
Санитарлық-эпидемиологиялық бақылау комитеті “Тәуекелдерді бағалау критерийлері мен бақылау парақтарын бекіту туралы” Денсаулық сақтау министрінің 2017 жылғы 27 маусымдағы №463 және Ұлттық экономика министрінің 2017 жылғы 20 шілдедегі №285 бірлескен бұйрығының жобасын дайындады.
Атап айтқанда, егер субъект (объект) бұрын санитарлық-эпидемиологиялық аудит жүргізсе және сәйкестік туралы есеп берсе, онда ол бір жылға тексеруден босатылады деген тармақты алып тастау ұсынылды. ПТР тесттерінің немесе вакцинация паспорттарының болмауы өрескел бұзушылық болып саналады.
“Халықтың санитарлық-эпидемиологиялық салауаттылығы саласындағы тексерулерді жүргізудің арнайы процедурасы үшін қолданылатын тәуекел дәрежесін бағалау критерийлері Қазақстан Республикасының Кәсіпкерлік кодексіне және оны қалыптастыру қағидаларына сәйкес әзірленді. Тәуекелдерді бағалау жүйесінің мемлекеттік органдары мен Ұлттық экономика министрінің бұйрығымен бекітілген тексеру парақтарының нысаны”, – делінген жоба мәтінінде.
