“Қатаң курс” ультраоңшыл партиясының жетекшісі, дат радикалы Расмус Палудан Копенгагендегі мешіттің қасында қасиетті Құранды өртеді.
Осыдан кейін ол Дания астанасындағы түрік елшілігі алдында тағы да осындай акция ұйымдастыруды көздеп отырғанын айтты.
Түркияға қарсы пиғылдағы исламофобиялық акциядан кейін Түркия СІМ Анкарадағы дат елшісін шақырып алып, Дания билігінің Құранды қорлауға жол бергені үшін наразылығын білдірді.
Айта кетсек, жуырда ғана Палудан Швеция астанасы Стокгольмдегі түрік елшілігі жанында да Құранды отқа жаққан болатын. Бұдан кейін Ердоған Швецияның НАТО-ға кіруі жайындағы келіссөзді тоқтатып тастады.
