Қазіргі жағдайда патриотизмді қалыптастыру маңызды, сонымен бірге күрделі міндеттердің бірі болып отыр. Бүгінде бұл Қорғаныс министрлігі қызметінің басты бағыттарының бірі. Әскери қызметшілер мен жас қазақстандықтарға әскери-патриоттық тәрбие беру, сондай-ақ ардагерлермен жұмыс жасау туралы Бас штаб бастығының орынбасары-Тәрбие және идеологиялық жұмыс департаментінің бастығы, генерал-майор Серік Бурамбаев айтып берді.
– Бүгінде Қазақстанның Қарулы Күштерінде әскери-патриоттық тәрбие неден басталады?
– Патриотизмге қоғам өмірінің барлық саласында ерекше орын беру қажет. Әскери-патриоттық тәрбие – бұл кешенді, көпжоспарлы және үйлестірілген қызмет. Елдегі санитарлық-эпидемиологиялық жағдайға байланысты объективті қиындықтарға қарамастан, біз әскери-патриоттық жұмысты одан әрі дамытудың неғұрлым тиімді жолын айқындай алдық.
Қорғаныс министрлігі осы бағытта пәрменді және практикалық шаралар қабылдады. Жергілікті атқарушы органдармен, ардагерлер ұйымдарымен, мәдени орталықтармен тығыз өзара іс-қимыл жасай отырып, әскери-патриоттық сипаттағы түрлі іс-шараларды жоспарлап, өткіземіз.
Сонымен қатар, біз тек әскери қызметшілермен ғана жұмыс істеумен шектелмейміз. Жастарды әскери-патриоттық тәрбиелеу маңызды болып қала береді. Жастар өмірде әртүрлі жағымсыз тенденцияларға қарсы тұруға көмектесетін жеке моральдық-психологиялық қасиеттерге ие болуы керек.
Жыл сайын өткізілетін «Айбын» жастар жиыны – әскери-патриоттық бағыттағы іс-шаралардың ауқымдысы. Аудандық, қалалық, облыстық іріктеу турларына 55 мыңнан астам баланы қамтитын екі мыңнан астам клуб қатысады. Оның жастар арасында танымалдығы жылдан-жылға артып келе жатқанын көріп отырмыз.
Көптеген ұлдар мен қыздар әскери салаға белсенді қызығушылық танытады. Ерлік сабақтары дәстүрге айналды. Өткен жылы олар 50 мыңнан астам оқушыны қамти отырып, еліміздің 3 600 мектебінде өткізілді. Бұл жұмысқа алты мыңнан астам әскери қызметшілер мен Қарулы Күштердің ардагерлері жұмылдырылды.
Оқушылар әскери бөлімге келіп, әскери қызметшілердің оқу-жауынгерлік даярлық процесін, олардың өмірі мен тұрмысын, қару-жарақ пен әскери техника үлгілерін көре алатын «ашық есік күндері» практикасы әскери-патриоттық тәрбиенің пәрменді нысаны болып қала береді. Бұл Қорғаныс министрлігінің әскери-патриоттық іс-шараларының негізгі, бірақ толық емес тізімі.
Қорғаныс министрлігі әскери дайындық бере алады, батылдық, Отанды қорғауға қару-жарақпен дайын болу сияқты қасиеттерді бойына сіңіреді. Патриотизм, Отанға деген сүйіспеншілік әскери мәселелермен шектелмейді. Бейбіт уақытта бұл адамның Отанды мықты, гүлденген етуге, оқуға, жұмыс істеуге, өз елінің дамуына үлес қосуға деген ұмтылысы.
Ал, бұл тек армияның ғана емес, бүкіл қазақстандық қоғамның ісі және бұл жұмысты балабақшадан, мектеп қабырғасынан жүргізу қажет.
– Бұрынғы әскери қызметшілермен, атап айтқанда, басқа мемлекеттер аумағындағы ұрыс қимылдарының ардагерлерімен жұмыс қалай жүргізіледі?
– Бұрынғы әскери адам деген болмайды, кез келген запастағы офицер мұны растайды. Бір кездері «азамат» болған бұрынғы әскери қызметшілер оларда қызмет тәрбиелеген моральдық және іскерлік қасиеттерін сақтайды. Тіпті құрметті демалыста олар өскелең ұрпақты тәрбиелеуге қатысады, командирлерге көмек көрсетеді, бай тәжірибелерімен бөліседі.
Қорғаныс министрлігінің бастамасы бойынша 2011 жылы «Қарулы Күштердің ардагерлері» республикалық қоғамдық бірлестігі құрылды, онымен жыл сайын бірлескен іс-шаралардың бірыңғай жоспары әзірленеді және іске асырылады.
Өткен жылдың желтоқсан айында Қарулы Күштер ардагерлері Орталық кеңесінің пленумы ірі іс-шара болып, онда ардагерлердің бірлескен қызметі мен әлеуметтік қолдау мәселелері талқыланды. Ардагерлер үлкен еңбек тәжірибесіне, қажетті адамгершілік қасиеттерге ие және тәлімгерлік қызметке белсенді түрде тартылады.
Олар жас офицерлерге кәсіби шеберлік дағдыларын меңгеруге көмектеседі, өздерінің қызметтік тәжірибелерін тәрбиелік және әскери-патриоттық іс-шараларды өткізуге бағыттайды. Ардагерлердің қатысуысыз патриоттық акция, конференция немесе жас сарбаздардың шақыруы өткізілмейді. Тек 2020 жылы ардагерлердің қатысуымен өскелең ұрпақтың ой-өрісін кеңейтуге, кәсіптік бағдар беру және оқу үшін әскери жоғары оқу орындарын таңдау мәселелеріне бағытталған үш жүзден астам іс-шара өткізілді.
Ардагерлердің қолдауымен Білім және ғылым министрлігімен бірлесіп оқу орындарында бастапқы әскери даярлық жүйесінің сапасын жақсарту мәселелері шешілуде.
– Сіз ардагерлердің жастармен жұмысы туралы атап өттіңіз. Олардың өскелең ұрпаққа әскери-патриоттық тәрбие беруге қатысуы туралы айтып берсеңіз?
– Ардагерлердің көмегі өте зор. Олардың қатысуымен әскери кадрларды даярлау мәселелері шешілуде. Әскери-патриоттық, ақпараттық-түсіндіру іс-шараларының кешені тұрақты негізде өткізіледі. Ардагерлердің көмегімен алғашқы әскери дайындық оқытушыларын іріктеу және орналастыру жүйесі жақсарды.
Интернационалист жауынгерлерді бөлек атап өткім келеді. Ауғанстан – біздің тарихымыздың бір парағы ғана емес. Бұл жастардың табандылығы мен батылдығының, әскери парызға құрмет пен адалдықтың белгісі. Ауғанстанды ұмытуға болмайды. Біз бұл тәжірибені жастарды тәрбиелеудің игі ісіне бағыттаймыз.
Айта кету керек, бізде әлі күнге дейін КСРО кезеңінде шетелде халықаралық парызды орындаған аға буын өкілдері қызмет етеді. Олардың барлығы әскери адам ретінде қызмет етті және қызмет етеді, оның ішінде жеңілдіктер, мәртебе немесе артықшылықтар үшін емес, жүрек шақыруы бойынша соғыс қимылдарына қатысады деп мәлімдейді.
