Бүгін Шымкент қаласында ашылған «Есжанұлы Сейітжан қари» мешітінің бас имамы болып тағайындалған Ерсін Әміре жайында не білеміз?
Мүфтият сайтында берілген мәліметке қарағанда, белгілі имам Ерсін Бекайдарұлы 1981 жылғы 2 шілдеде Оңтүстік Қазақстан облысы, Ордабасы ауданы, Қараспан елді мекенінде дүниеге келген.
1998 жылы ОҚО, Ордабасы ауданы, Қараспан елді мекеніндегі Е.Ерназаров атындағы орта мектепті тәмәмдаған.
1998-2000 жылдары ОҚО, Шымкент қаласындағы “Даруль арқам” Құран кәрімді жаттау орталығын, 2000-2001 жылдары Шымкент қаласындағы “Нәзір Төреқұлов” атындағы орталықтан араб тілі курсын бітірген.
2001-2006 жылдары Ливан мемлекетіндегі Триполи универсиетінің шариғат және ислам ғылымдары факультетін аяқтаған. Мамандығы-теолог-исламтанушы.
Еңбек жолын 2007-2008 жылдары ОҚО, Шымкент қаласындағы “Абдулхамит Қаттани” орталық мешітінде ұстаз болып бастаған. 2009-2011 жылдары Шымкент қаласындағы «Сейткәрім қажы» мешітінің бас имамы, “Даруль арқам Құран кәрім үйрену” орталығының ұстазы;
2011-2013 жылдарда Алматы қалалық орталық мешітінің найб имамы;
2013 жылғы сәуір айынан бастап Атырау облысындағы «Шапағат» деструктивтік діни ағымдардан жапа шеккендерге көмек орталығы» ҚҚ-ның директоры болып қызмет атқарды.
2014-2020 жылдары Алматы орталық мешітінің наиб имамы, 2020-2023 жылдары «Төле би» мешітінің бас имамы болды. 2019 жылдан бері «Нұр Мүбарак» университетінде ұстаз.
«Фиқһ» мәселелері ( аудио жазба, 18 сағат), «Тахауия ақидасы» (аудио жазба, 27 сағат), «Нәпсіні тәрбиелеу» мәселесі (аудио жазба, 50 сағат), өзге де аудио-видео сабақтарының авторы.
