Жаздың ұзақ күндерінде мұсылмандар соңғы құптан намазын оқуда қиыншылықтарға тап болады. Осыған орай Еуропаның пәтуалар мен зерттеулер жөніндегі кеңесі арнайы пәтуа шығарды.
Кеңес Еуропаның жазғы күндерінде құптан намазының уақыты түннің ортасында басталатын кездері немесе оның уақыты кіргендігі мүлдем байқалмайтын кездерде соңғы екі намазды (ақшам мен құптан) біріктіріп оқуға рұқсат екендігі туралы бір пікірге келді. Өйткені, Құранда айтылғандай, мақсат – үмбетті қиыншылықтан құтқару.
Бұл шешім Мүслім хадистер жинағындағы Ибн Аббастан жеткен хадиске негізделсе керек. Онда Пайғамбарымыздың (оған Алланың салауаты мен сәлемі болсын) ешқандай қауіп-қатер мен жауын-шашын болмаса да бесін мен аср намаздарын және ақшам мен құптан намаздарын қосып оқығандығы айтылған. Ибн Аббастан: “Не үшін олай оқыды?” – деп сұралғанда: “Үмбетке қиын болмасын деді”, – деп жауап берген.
Солтүстіктегі елдерде қысқы уақыттарда күннің ұзақтығына және мекемелерде жұмыс істейтін адамдардың әр намазды өз уақытында оқуы қиыншылық тудыратынына байланысты бесін және аср намаздарын қосып оқуға рұқсат етіледі.
Аталған кеңес мұсылмандарды ешқандай мәжбүрліксіз намаздарды қосып оқымауға және оны әдетке айналдырмауға шақырды.
