Президент Қасым-Жомарт Тоқаев Бішкекте Ресей Президенті Владимир Путинмен кездесуінде екі халықтың қарым-қатынас ытуралы пікір білдірді.
«Бұл байланыстар, өзара қарым-қатынас көптеген жылдар бойы, тіпті ғасырлар бойы қалыптасты. Тарихымызда қазақтар мен орыстар арасында дінаралық немесе қандай да бір саяси қарым-қатынастар тұрғысынан ешқашан қақтығыс болған емес», – деді Қазақстан Президенті.
Қ.Тоқаев тарихи мәселелерден екіжақты ынтымақтастықтың перспективаларына тоқталды.
Қасым-Жомарт Тоқаев Қазақстан мен Ресей арасындағы тығыз қарым-қатынастардың алдағы уақытта да жалғасын табатынына сенім білдірді.
Осылайша, екі президенттің кездесуіндегі негізгі назардың бірі қазақ және орыс халықтарының көпжылдық өзара қарым-қатынас тарихына, сондай-ақ Қазақстан мен Ресей арасындағы гуманитарлық байланыстарды одан әрі дамытуға аударылды.
