Сұрақ: Қазақ жеріне Ислам қашан келді?
Жауап: Ислам – ғасырлар бойы халықтың рухани өмірінен орын тапқан бейбіт дін. Ол қазақ халқының салт-дәстүрімен сабақтасып кеткен. Қазақ халқы бұрыннан мұсылмандықты қабылдағанына тарихи орындар мен діни еңбектер куә.
Тарихи деректерде Ислам діні Қазақстан жеріне VII ғасырдың екінші жартысында ене бастағаны айтылады. 751 жылы Талас өзенінің маңында арабтар мен қарақытайлардың арасында болған соғыста арабтардың жеңіске жетуі осы төңірекке Исламның орнығуына айтарлықтай әсер еткен. Кейіннен бірте-бірте мұсылманшылық тарап, мешіттер мен медреселер салынып, халықтың тұрмыс тіршілігі дәстүрмен сабақтасқан мұсылмандық дәстүрге ойысты.
Сондай-ақ, X ғасырдың екінші жартысында Қарахан мемлекетінің ханы Сатұқ Боғра хан мұсылмандықты қабылдаған. Осыдан кейін аймақта Исламды қабылдаудың қарқыны артты. Исфиджап, Баласағұн, Яссы т.б. қалалар ислам мәдениеті орталықтарына айналды. Сол ғасырлардан ата-бабалармыздың діни, тарихи, ұлттық танымдары мен дәстүрлі діни еңбектері халықтың руханиятын қалыптастырып келеді.
Икрам АЙТАЕВ
