Сұрақ: Дем салғанда айтылатын «куф-шуф» деген сөздердің мағынасы қандай?
Жауап: Қазіргі таңда әлеуметтік желілерде «куф»-«шуф» деп дем саламын деген сөздер трендке айналған. Негізгі мұндай бейнелердің тәрбиелік мәні мен мазмұны жоқ.
Мұндай сөздердің діни тұрғыда өзіндік мағынасы бар. Бұл амалдар Құран аяттары оқылғаннан кейін жасалады. Исламда адамның ауруы, дерті болғанда, сондай-ақ рухани күйіне байланысты да дем салу бар. Бұл шипа аяттардан кейін «Куф» және «Шуф» деп дем салу жиі кездеседі.
«Куф» сөзі «жеткілікті болсын», ал “Шуф” (шипа сөзінің қысқа түрі) сөзі «шипа болсын» деген мағынада.
Ал, қоғамдағы дем саламын, жолыңды ашамын деген жалған сиқыршы, тәуіптердің айласынан сақ болған дұрыс. Олардың айласына түсіп, қаншама отбасылар ойрандалып, ерлі-зайыптылардың араларына жік салынып, соңы ажырасуға соқтырып жатыр.
Демек, қажеттілік туындаса, мешіттегі белгілі имадар білімі аясында, хадисте көрсетілгендей Құран аяттарымен дем салып беретіні белгілі.
Икрам АЙТАЕВ
