Сұрақ: Зайырлы қоғамдағы конфессияаралық татулықты қалай түсінеміз?
Жауап: Қоғамның толеранттылығы өздігінен пайда болатын дүние емес. Ғасырлар бойы ұлағатты тәрбие арқылы қалыптасқан қоғамдық жетістік. Бұл жетістік ел, ұлт құндылығы ретінде халықтың әдебіне, діліне, мінезіне әсері зор. Ал, жақсы мінездің негізі дәстүрлі дінде. Қазақстан конфессияаралық келісім ісінде терең көне дәстүрлерге ие. Еліміз көне заманнан бері көптеген мәдениеттер мен діндердің тоғысу мекені болған. Осылайша, біздің халқымыздың бойында этносаралық және конфессияаралық татулық қалыптасты.
Ал, шетел жағалап жүрген асыра діншілдер басқа діндерге деген жағымсыз көзқарастарын ақиқат деп, адастырып жүр. Мұндай дінараздық алауыздыққа соқтыратын көзқарастардан сақ болғынымыз абзал. Бүгінде тәуелсіз мемлекет атанып, ел-халық болып қалыптасудың күрделі үдерістерін бастан кешіріп жатқан кезеңде ұлтаралық келісімді, дінаралық татулықты қамтамасыз ету бүгінгі күннің өзекті міндеті болуы да сондықтан. Сондықтан олардың қалыпты өмір сүруі мен қауіпсіздігін қамтамасыз ету – мемлекеттің де, азаматтық қоғамның да негізгі міндеттерінің бірі.
Икрам АЙТАЕВ
