Сұрақ: Сағыз шайнап Құран оқуға бола ма?
Жауап: Исламның талаптарының бірі – әдептілік пен тазалық. Құранды оқуда, дұға мен зікір айтуда да тазалық пен әдептілік маңызды.
Құран оқу – ғибадат. Оны Алладан сауабын үміт етіп, әдептерін сақтап, құрметпен оқу саналы адамға қажет. Ауызда сағыз, кәмпит сынды дүниелер дұға, құран оқуға кедергі келтіреді. Ал, намазда ауызда сағыз сынды заттардың болуы – қайтарылған амалдардан.
Дәрігер кеңесшілер сағыз шайнаудың өзіндік орындары мен уақыттарын айтқан. Сағызды беталды орынсыз жерлерде, үлкен кісілердің алдында, ресми кездесулерде т.б. жағдайларда шайнап тұру әдептілікке сай амал емес. Сондай-ақ, ауызда сағыз сынды заттарды Құран, зікір, дұға уақыттарында шайнау әдептілікке жатпайды, керісінше құрметсіздік болады. Демек, ерсі қылықтармен құлшылық амалдарын орындау құпталмаған қайырсыз іс.
Икрам АЙТАЕВ
