ҚМДБ Төрағасы, Бас мүфти Наурызбай қажы Тағанұлы хазіреттің бастамасымен жарияланған «Ислам және отбасы құндылығы» жылы аясында Қарағанды облысы имамдарының жылдық қорытынды жиыны өтті.
ҚМДБ-ның Қарағанды облысы бойынша бас имамы Естай Айтуғанұлының жетекшілігімен ұйымдастырылған кездесуде дін қызметкерлерінің жыл бойы атқарған жұмыстары тыңдалып, ҚМДБ тарапынан бекітілген негізгі бағыттар аясындағы нәтижелер жан-жақты талқыланды.
Атап айтқанда, «Дін мен дәстүр», «Ихсан және насихат», «Діни оқу-ағарту», «Жат діни ағымдардан сақтандыру» бағыттары бойынша бір жыл көлемінде атқарылған жұмыстарға бағалау жүргізілді.
Сонымен қатар, 2025 жыл – «Ислам және отбасы құндылығы» жылы аясында жүзеге асырылған қоғамдық және тәрбиелік шаралар назарға ұсынылды.
Жылдық жұмыс көрсеткіштерімен қатар, бір жыл бойы белсенді қызмет етіп, игі бастамалардың ұйытқысы бола білген өңірдің үздік және белсенді дін қызметкерлері марапатталды.
Жиын соңында облыс бас имамы Естай Айтуғанұлы аудан және қала мешіттерінің қызметіне оң бағасын беріп, имамдарға алдағы жұмысында табыс тіледі.
