Мәжілістің жұмыс тобы отырысында елімізде ЛГБТ-ны насихаттауға тыйым салатын түзетулер қабылданды. Бұл туралы Мәжіліс депутаты Ирина Смирнова айтты.
– Кеше аталған түзетулерді қарап, қабылдадық. Ол ережелер насихатқа тыйым салуға қатысты. Онда мұндай жыныстық көзқарасы бар адамға тыйым салынбаған, әр адам өз өмірін қалауынша пайдалана алады. Әрине, педофильдерден басқа. Бірақ, мұны насихаттаудың қажет жоқ. Кітап дүкенінен ЛГБТ-ны насихаттайтын басылымдарды көрдім. Онда екі ханзада бір-біріне ғашық болып қалады. Мұндай өте көп. Осыған ұқсас келеңсіздіктерді насихаттайтын мультфильмдер, журналдар, комикстер бар, – деді ол палатаның жалпы отырысынан кейін БАҚ өкілдеріне берген сұхбатында.
Мәжіліс депутаты бір жыныстық қатынасты насихаттауға тыйым салу шаралары сәл кеш қолға алынғанын жеткізді.
– Мұны кеше депутаттар да айтты. Сәл кешігіп қалдық. Іс жүзінде бұған барлық уақытта тыйым салу қажет еді, – деді Ирина Смирнова.
https://kaz.inform.kz/news/lgbt-ni-nasihattauga-erterek-tiyim-salu-kazhet-ed-irina-smirnova-1a087b/
