Талдықорған қаласында Жетісу облысының Дін істері басқармасы мен ҚМДБ Жетісу облысы бойынша өкілдігіне қарасты «Жастар ісі» секторының ұйымдастыруымен «Ислам және отбасы құндылығы» жылы аясында «Жастар» спорт кешенінде имамдар арасында қазақ күресінен түйе палуандар айқасы өтті.
Жарысқа өңірдегі мешіттерде қызмет атқаратын 22 имам қатысты. Шараның ашылуында облыстың бас имамы Керімбек Сәрсембайұлы мен Дін істері басқармасының басшысы Сағыныш Асқарұлы құттықтау сөз сөйлеп, қатысушыларға сәттілік тіледі.
Тартысты белдесудің нәтижесінде Алакөл ауданы, Қайнар ауылының имамы Абикаев Еркебұлан – үшінші орын, облыстық «Иман» мешітінің ұстазы Ершатұлы Еділ – екінші орын иеленсе, Панфилов ауданы, Көктал ауылының имамы Қожаев Мадияр Төлеуханұлы жеңімпаз атанды.
Сонымен қатар жарысқа қатысқан Жетісу облысының бас есепшісі Ұлан Амангелдіұлы мен Текелі қалалық мешітінің молдасы Берікболов Ершат «ең жасы үлкен палуан» номинациясымен ынталандыру сыйлығына ие болды.
