Конья қаласында Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Түркия Дін істері басқармасының төрағасы, профессор доктор Әли Ербашпен ресми кездесу өткізді.
Кездесу барысында қос тарап діни саладағы ынтымақтастық, жүзеге асқан игі іс-шаралар мен ортақ жобалар жөнінде пікір алмасып, алдағы уақытта бірлескен жұмыстарды одан әрі жандандыруға уағдаласты.
Әли Ербаш мырза Бас мүфти Наурызбай қажы Тағанұлына Түркияда өтетін діни көшбасшылардың алқалы жиынына арнайы шақыруын жеткізіп, Қазақстанмен арадағы бауырластық қарым-қатынасқа жоғары баға берді. Сондай-ақ, алдағы уақытта Қазақстанға ресми сапармен келуге ниетті екенін атап өтті.
Қайнар көзі:
muftyat.kz
