Сұрақ: «Мәулітті» не үшін атап өтеді?
Жауап: «Мәуліт» сөзі туылған күн, туылған уақыт деген мағына береді. Мұхаммед (с.а.у.) пайғамбардың туған күніне байланысты атап өтілетін уақыт мәуліт деп аталады. Бұл һижри «Рабиул-әууал» айы. Пайғамбарымыз (с.а.у.) һижри «рабиул-әууал» айының 12-сі дүйсенбі күні дүниеге келген. Қазіргі жыл (милади) санауы бойынша 571 жыл, 20 сәуірге тура келеді.
Мәуліт айын атап өту – Ислам мен иман шарттарына кірмейді. Мәуліт дінде әу баста болмаған, кейіннен енгізілген амал. Исламтанушы ғалымдар мәулітті атап өтуді құптарлық жақсы амал деп баға берген. Адасқан діни топтар мәніне үңілмей дінге жат деген көзқарастарын білдіреді. Мұндай көзқарастар адасушылыққа соқтырады.
«Aһзaб» cүpеciнiң 56-aятындa: «Шынындa дa, Aллa мен Oның пеpiштелеpi Пaйғaмбapғa (c.а.у.) caлayaт жoлдaйды. Әй, имaн келтipгендеp, cендеp де oғaн шын жүpектен caлayaт aйтып, cәлем жoлдaңдap!» – деген.
«Рабиул-әууал» айы кіргенде Қазақстан мұсылмандары діни басқармасы әр өңірде (мешіттерде) арнайы Мәуліт кештерін өткізеді. Мәуліт күндері Құран оқып, Пайғамбарға (с.а.у.) салауат айтып, нәпіл намаздарын оқып, зікір, дұғаларын жасайды. Сондай-ақ, қайырымдылық шараларын ұйымдастырып, сауапты амалдар істейді.
Атап өтуден мақсат – Пайғамбарымыздың (с.а.у.) өмірі мен өнегесін насихаттау, мұсылмандардың рухани байланысын күшейту мен имандылығын арттыру.
Икрам АЙТАЕВ
