Сұрақ: Құран оқытып, жол аштыруға бола ма?
Жауап: Құран аяттарын оқу, дұға жасау – халық арасында кең таралған рухани амалдың бірі. Сондай–ақ, жақсы ниетпен садақа беру де істің берекесін арттырады. Дұға жасаудың өзіндік шариғатта көрсетілген тәртібі бар. Бұл амал көбінесе бір істің қайырлы, берекелі, сәтті болуын тілеу мақсатында жасалады. Мұндай амалда адамның шынайы ниеті мен ықыласы өте маңызды.
Амалдар дұрыс, шариғатқа сай болу үшін көріпкелдікпен, құмалақ ашумен, бақсы-балгерлікпен т.б. араласып кетпеуі керек. Белгілі Құран аяттары мен дұғаларды оқып Алладан істің берекелі, сәтті болуын тілеу – қайырлы іс. Ал жолым болмай жүрдеп, көріпкелге барып, құмалақ аштырып, бақсы-балгерлердің айласына түсіп қалмаңыз.
Жақсылыққа жету, ризық-несібенің артуы Алланың құзырында, шынайы дұға-тілек арқылу болуы мақсатты екенін білгеніміз дұрыс.
Икрам АЙТАЕВ
