Сұрақ: Алланың нығметтеріне шүкіршілік етпеудің салдары қандай?
Жауап: «Нығмет» сөзі жақсылық, молшылық, игілік, рақым, кеңшілік деген мағыналарды қамтиды. Яғни, Алланың адамға берген сый-сияпаты, жақсылығы мен игілігі т.б. Алланың адам баласына берген нығметтері соншалықты көп, бәрін санау мүмкін емес. Олар: өмір, денсаулық, ақыл, көру, сөйлеу, жүрек, дене мүше, ауа, су, күн, жаңбыр, жер, өсімдіктер, жан-жануарлар, иман, ислам, құран, дұға, тәубе, ризық-несібе, отбасы, үй, жұмыс, мал-мүлік, т.б.
Адам Алланың берген әр нығметі үшін шүкіршілік етіп, оны дұрыс жолға қолдануы қажет. Алланың нығметтеріне шүкіршілік ете алмайтындар нәпсіге ергендер мен дүниеқоңыздар, Алланың еске алмайтындар, сынаққа сабыр етпейтіндер, мұнафықтар т.б.
Нығметке шүкіршілік ете алмау – адамның жүрегінің рухани ауыруынан. Шүкіршілік етпеудің салдары нығметінен айырылады, рухани қатігездік пен жүректің қарайуына соқтырады, көңілсіздік, ризасыздық пен наразылыққа бейім болады.
«Ибраһим» сүресінің 34-аятында: «Ол сендерге өзінен сұраған нәрселеріңнің бәрін берді. Бергені соншалық, егер Алланың нығметін санайтын болсаңдар, санына әсте жете алмайсыңдар» деген.
Шүкіршілігі бар адамның нығметі артады, жүрегі тыныш, риза көңіл болады екен.
Икрам АЙТАЕВ
