Қазақстан мұсылмандары діни басқармасының «Зекет және қайырымдылық» қоры Нұр-Мүбарак Египет ислам мәдениеті университетіне 10 миллион теңге көлемінде қаржылай көмек көрсетті. Шараға қор директоры Мақсатбек Қайырғалиев қатысты.
Аталған қолдау – әлеуметтік жағдайы төмен, алайда білім алуға ынталы жастардың тегін білім алуына бағытталмақ.
Сонымен қатар, қордың Алматы қаласы өкілдігінің ұйымдастыруымен университетке 5 миллион теңге көлемінде қосымша қолдау көрсетілді.
Бұл бастамалар – білім мен руханият саласына жасалған игі инвестиция ретінде еліміздің болашағы үшін маңызы зор қайырымды қадам.
