Алланың сүйген құлдарының бірі болған Ибраһим бин Әдхам достарымен бірге отырғанда, бір адам келіп жандарына отырып, оларға қарап, амандаспайды.
Олардың кейбіреулері: «Көрдің бе, Ибраһим, оның бізге қалай қарағанын және бізге сәлем бермегенін» дейді.
Сонда Ибраһим ибн Әдхам: «Мүмкін, ол қиналып жүрген шығар… Сондықтан да оның жағдайын, басында сондай жағдай ғана бар адам ғана түсінеді» дейді.
Ибраһим бин Әдхам әлгі адамның артынан еріп барып, одан: «Саған не болды, неге бізге сәлем бермедің, уа пәленше» деп сұрайды. Ол: «Менің әйелім босанады, ал менің оған көмектесетін шарам жоқ» дейді (яғни әйеліне қажет заттар алуға). Осыны айтып, кетіп қалады.
Ибраһим серіктеріне келіп: «Алламен ант ентемін, біз ол адамға екі рет зұлымдық жасадық:
Біріншіден, біз ол жөнінде дұрыс ойламадық…
Екіншіден, оның жағдайына мұқтаж болғанша қараспадық» дейді.
Содан кейін Ибраһим біреуден екі динар қарыз алады да, ол ақшаның бір динарына ет, бал, май және ұн сатып алады. Содан соң әлгі адамның үйіне асығады.
Ол үйдің есігін қаққан кезде, оның жұбайы ауырып тұрып: «Есік алдында кім келіп тұр?»деп сұрайды. Ол: «Ибраһим бин Әдхам» деп жауап беріп, кейін: «Есік алдында тұрған нәрсені алыңыз. Алла сіздерге жеңілдік берсін» деп айтып, кетіп қалады.
Әйел есікті ашып, әлгі заттарды және үстінде тұрған бір динарды алып тұрып, оның: «Иә Аллаһым! Ибраһимның бұл күнін ешқашан ұмытпа!» деп дұға жасағанын Ибраһим естиді.
Бауырлар! Қазір де Ибраһимнің тамағы мен динарына мұқтаж қаншама адамдар бар.Қашанға дейін олар бізді күтеді?
Сіз көмегіңіз бен қолдауыңызды, садақаларыңыз бен зекетіңізді қазір беруге асығыңыз және ол үшін Рамазан айын күтпеңіз, өйткені олар Алла біледі, дәл қазір мұқтаждық пен қиыншылықта болуы мүмкін. Ибраһимнің жасаған мейірімі, ол үшін қаншалықты дұға жасауға әкелді…
Ибраһимдей болуға асығайық. Себебі қиналған адамдар үшін аспанның есіктері ашық болады»
Доктор Ато АС-СЫНБАТИ
Аударған Қ.ҚАБДОЛДА
