Бұл туралы елордада Бас мүфти Наурызбай қажы Тағанұлының төрағалығымен өткен Қазақстан мұсылмандары діни басқармасының Төралқа мәжілісінде «Зекет және қайырымдылық» қорының директоры Мақсатбек Қайырғалиев хабарлады.
«Оразада «Зекет және қайырымдылық» қорын «Рамазан сыйы» атты бастамамен мұқтаж отбасыларға 106 806 азық-түлік себеті үлестірілді. «Жұмысшы мамандықтар» жылына орай 13 070 еңбек адамына ауызашар себеттері таратылды. Ал «Рамазан тәттісі» атты сыйлықтар 6067 жетім балаға берілді және мешіттің дін қызметкерлері арасында 875 көпбалалы отбасыға тосын сыйлар мен сыйлықтар таратылды.
Мысыр және Түркия елдерінде оқып жатқан қазақстандық 3011 студентке ҚМДБ атынан ауызашар берілді және еліміздегі университет пен колледждердің 35 453 студентіне ауызашарлар ұйымдастырылды. Ораза ұстаған 6180 мүгедек жандар, соқырлар қоғамы және т.б. мүмкіндігі шектеулі жандарға ауызашар дастарқаны жайылды және «Ислам және отбасы құндылығы» жылы аясында 10 800 көпбалалы отбасыға ауызашар берілді.
Еуразия ұлттық университетінің 40 студентіне 20 000 теңгеден қаржылай көмек берілді. «Астана» медресесінің қыздар бөліміне ауызашар берлді және Бас мүфти Наурызбай қажы Тағанұлының бастамасымен құны 2 000 000 теңге тұратын 2-интерактивті тақта сыйға тартылды.
Сондай-ақ қайырымдылық қоры «Өмірге үміт сыйла» жобасы аясында Қызылорда қаласы Талсуат ауылында орналасқан Арнаулы әлеуметтік қызметтер көрсету балалар орталығын және Арал қаласында орналасқан Оңалту орталықтарын жаңа оңалту құрылғыларымен жабдықтады. «Ел үлесі – пәтерге» жобасы бойынша Рамазан айында жалпы қайырымдылық көмек ретінде берілген баспана саны – 26. Оның 11-і дін қызметкеріне және көпбалалы асыраушысынан айырылған отбасыларға, мүгедек бала асырап отырған отбасыға, барлығы 15 баспананың кілті табысталды.
Сонымен қатар, жергілікті ҚМДБ «Зекет және қайырымдылық» қорына жауапты мамандар 17 157 кәсіпкер мен шаруаларға зекеттің маңыздылығын түсіндіріп, зекет жинауды ұйымдастырды. Нәтижесінде 2 түйе, 2 жылқы, 16 сиыр, 350 қой жиналып мұқтаждарға таратылды. Forbes of Ahirat қайырымдылық кештер өткізіліп 10 500 000 теңге «Зекет және қайырымдылық» қорынының есепшотына жиналды» деді қор директоры.
