Сұрақ: Балаға дін ұстануға қалай бағыт-бағдар береміз?
Жауап: Ақпарат кеңістігінде ешбір шек-қиырдың жоқ екендігі белгілі. Кез келген адам қалаған ақпаратын табуына барлық жағдай жасалған. Олардың жылдамдықпен таратқан ақпараттары бір сәтте миллиондаған адамның санасына әсер етеді.
Осы орайда жаңа өсіп келе жатқан жасөспірімдерге бүгінгі ақпараттық ағымдардың әкелетін қауіп-қатері өте көп. Алайда балаларды діни мәлімет алудан үзілді-кесілді тыйып тастау нақты шешім емес. «Мешітке барма!», «Ғаламторға кірме!», «Уағыз тыңдама!», «Намаз, оразаға жолама!», «Діни уағыздардан аулақ жүр!» деген тыйымдарды жасаған сайын, балалар қауіп-қатерден аман болады деп ойлауымыз қате пікір. Керісінше, баламыздың рухани қажеттілігі жолында тыйымға теріс әрекет етуі әбден мүмкін. Өзіндік ойымен жеткілікті дәстүрлі діни танымы жоқ адамдар жеңіл ақпараттарға оңай иланып қалауы ғажап емес.
Сондықтан перзентімізге дұрыс жол көрсету үшін ата-ана біраз еңбектенуі қажет. Соңында нәтижесі дұрыс болады. Қажеттілік туындаса, Қазақстан мұсылмандары діни басқармасына қарасты мешіттерге барып, жергілікті теолог-психологтармен ақылдасып, жас балалармыздың іздену бағытын әр ата-ана өзі бергені абзал.
Икрам АЙТАЕВ
