Швецияда Құран өртеп аты шыққан ирактық босқын Салван Момиканы белгісіз біреулер атып кетті. Ол өз үйінде TikTok желісінде тікелей эфир жүргізіп жатқан кезде атылған.
Бүгін Швецияда нәсілдік араздық тудырғаны үшін оның үстінен сот болуға тиіс еді.
Салван Момика Швецияға Ирактан 2018 жылы келіп, 3 жылға босқын ретінде тұруға рұқсат алған. Алдыңғы жылы ол көпшілік алдында Құранды өртеп аты шықты.
«Алла Тағала пендесін жақсы көреді. Ол азғындыққа барса, оған тәубе етсін деп мұрсат береді. Мына пәтшағар бірнеше рет Құранды өртеп, ақыры халықаралық дауға ұласқан болатын. Алайда, оның сол жағдайынан кейін арада бақандай екі жыл өтті. Тәубеге келуіне көп мүмкіндік бар еді. Алайда тәубе етпей кетті…» деп жазды бұл жайында әлдеуметтік желіде исламтанушы Абдусамат Қасым.
Әзірге оны кім атқаны белгісіз. Момиконың Иракта жүріп бөтен елдің барлау агенттігіне астыртын жансыз болып жұмыс істегені және солардың бағыттауымен Иракта көтерілістер ұйымдастырғаны жайында бейресми ақпараттар тараған болатын.
