Аккредиттеу және рейтингтің тәуелсіз агенттігінің (IAAR) 2024 жылғы сараптамасы бойынша Қазақстан жоғарғы оқу орындары арасындағы Бас рейтингі «ТОП-20» анықталды. Нәтижесінде, Нұр-Мүбарак университеті отандық ең үздік 20 университет қатарынан ойып орын алды. ЖОО білім беру бағдарламаларын (ббб) сандық саралау нәтижелері бойынша жасалатын ұлттық рейтингте НМУ:
В033 – Дін және теология бакалавриат білім беру бағдарламалар тобы бойынша 1-орын (бұл ббб құрамында исламтану, дінтану, теология мамандықтары бар);
M052 – Исламтану магистратура ббб – 1-орын;
D052 – Исламтану докторантура ббб – 1-орын.
IAAR 2014 жылдан бастап жүргізетін «ЖОО талап етуінің ұлттық рейтингі» жобасында:
- Берлин принциптерін сақтауға негізделген-ақпарат көздерінің ашықтығы, объективтілігі, тексерілуі және қолжетімділігі;
- Кадрларды даярлаудың бағыттары мен деңгейлері бойынша ббб-ның сапасын анықтауға бағытталған;
- ҚР Жоғары оқу орындарының ерекшеліктері мен олардың алуан түрлілігін ескереді.
Рейтингтік зерттеу – кадрлардың деңгейлері мен бағыттары бойынша ббб сапасын бағалау, білім беру қызметтерінің сапасы мен бәсекеге қабілеттілігін арттыру мақсатында жүргізіледі. Сондай-ақ қоғамды білім беру сапасының нарық талаптарына сәйкестік дәрежесі, оқытушылардың танылуы және жоғары оқу орындарының ғылыми-зерттеу қызметінің нәтижелілігі туралы ақпаратпен қамтамасыз етеді.
