Кейбір ақпарат көздерінің жазуынша, тәңіршілдік Қазақстанда ресми дін ретінде тіркелуі мүмкін. Бәзбіреулер Epetition.kz ресми платформасында осындай петиция жариялаған. Олардың сөзінше, ежелгі түркі дінін ұстанатындар саны елді 1 миллионға жуықтаған. Әзірге бұл бастаманы қолдап, 200 адам қол қойыпты.
«Болжам бойынша алдағы уақытта тәңіршілдікті ашық ұстанатын адамдар саны 1 миллионға жетеді», делінген петиция мәтінінде.
Дегенмен, “тәңіршілдік” деген нәрсені айтып жүргендердің өздері “бұл дін емес” деуші еді. Енді қалайша оны дін ретінде тіркемек?
Екіншіден, петицияда оны “ресми дін” ретінде тіркеу үшін депті. Жалпы еліміздің “ресми діні” жоқ. Бізде мемлекеттік, ресми дін деген түсінік жоқ. Біз – зайырлы мемлекетпіз. Діни бірлестіктер бар, олардың бәрі заң бойынша тең.
