Нұр-Мүбарак университетінің PhD докторанты, Ғылым және инновация департаменті Ғылым секторының меңгерушісі, Сапа-менеджмент бөлімінің бас маманы Салтанат Қағазбекова Сауд Арабиясы Корольдігіндегі Патша Сәлман атындағы әлемдік Араб тілі академиясында арнайы тағылымдамадан өтті. Нұр-Мүбарак университетінің бакалавриат, магистратура, докторантура бөлімдерінде білім алып, бүгінде төл университетте қызмет ететін Салтанат Бейсенбайқызы Патша Сәлман атындағы әлемдік грантты жеңіп алған болатын. Дүниежүзінің 30 елінен келген жеңімпаз мамандар бір ай бойы Джидда қаласында білімін жетілдіріп, біліктерін арттырды. Бұл курстың ерекшелігі бағдарлама тек ғылыми тағылымдамамен шектелмей, өзге де құнды шараларды қамтыған.
Грант иегері Салтанат Қағазбекова қасиетті Мекке мен Мәдинаға арнайы зиярат етіп, бірнеше ұмра қажылығын өтеуге мүмкіндік жасалғанын қуанышпен жеткізді. Сондай-ақ тарихи мекендерді аралап, араб халқының қонақжай дәстүрімен танысу мүмкіндіктері жасалған.
Тағылымдаманың оқу бағдарламасы бойынша араб тілінің жетік ғалымдары, PhD докторлары мен профессорлары дәріс берген. 180 сағаттық дәріс алған грант иегерлеріне курс соңында арнайы сертификат табысталды.
