Сұрақ: Құран қасиетті кітап болғандықтан, кейбір адамдар оны жақсы көру қауіпті деп түсінеді. Құранды жақсы көрген адамға Кітаптың киесі тиеді дейді. Сол рас па?
Жауап: Құранды жақсы көрген адамға оның киесі тимейді, керісінше, Құран оған шапағатшы болмақ. Бұған қатысты төмендегі хабарды келтірсек:
Алланың елшісі (с.ғ.с.) бір сахабаны көреді. Ол үнемі бір немесе екі рәкат намазында «Фатиха» сүресінен кейін «Ықылас» (қуль һуаллаһу ахадті) оқиды екен. Алланың елшісі (с.ғ.с.)
– Мен сенің әр бір ракатта «Фатихадан» кейін «Ықылас» сүресін оқуға қатты көңіл бөлетініңді байқадым. Мұның себебі не? – деп сұрайды.
Әлгі сахаба:
– Себебі мен оны жақсы көремін уа, Алланың елшісі (с.ғ.с.)! – деп жауап береді. Алланың елшісі (с.ғ.с.):
– Сенің оған деген махаббатың, сені жәннатқа кіргізеді – деп айтқан екен.
Құран өзін жиі оқитын адамына шапағат пен береке беретіні жайында басқа да көптеген риуаяттар жетерлік. Құранды мұсылман қауымы қадірлеп құрмет тұтады.
Жалғас САДУАХАСҰЛЫ
