TikTok желісі арқылы халыққа танылған Нұрлан Байжігітұлы елордамыздағы «Алланың гүлі» мешітіне бас имам болып тағайындалды. Бұл туралы имамның өзі инстаграм парақшасында хабарлады.
«Аса қамқор, ерекше мейірімді Жаратып Жасағанның атыменен бастаймын!
Алланың қалауымен, елдің ақ тілегімен бүгін Астанамыздағы “Алланың гүлі” аталып кеткен Ырыскелді қажы атындағы мешітке бас имам боп тағайындалдым. Бұл мен үшін қуанышты жаңалық!
Енді Астана жұртшылығымен және қала қонақтарымен осы мешітте жүздесеміз.
Еліміз тыныш, жұртымыз аман, бірлігіміз берік, руханиятымыз тұғырлы болсын!» деп жазды имам
