Сұрақ: Пітірді бауырыма берсем бола ма?
Жауап: Пітір садақаны Құранда айтылғандай жағдайы жоқ жандарға, міскінге (тақыр кедей), зекет жинауға тағайындалған белгілі адамдарға, қарызға батқан адамға, Алла жолында қызмет етіп жүрген азаматтарға, қаржысы таусылып, жолда қалған жолаушыға берген жөн. Сонымен қатар мұқтаж бауырға, туған-туысқа, көршілерге беруге болады.
Сондай-ақ, кейбір азаматтар жағдайы келіп тұрса да пітірді ҚМДБ белгілеген минималды көрсеткішпен (мысалы, 553 тенге) беру қажет деп ойлайды. Негізінде жағдай бар болса, әлгі көрсеткіштен асырып берсе зияны жоқ.
Жалғас САДУАХАСҰЛЫ
