Меккедегі әл-Харам мешіті аумағында қысқа мерзімді балабақша ашылды. Жас жеткіншектердің тәрбиеленуіне арналған жабдықтармен толықтай қамтамасыз етілген балабақша умра қажылығын өтейтін мұсылмандардың балаларына арналған.
Оның ішінде ойын бөлмелері мен демалыс бөлмесі бар. Оған қажылардың 6 жасқа дейінгі балалары қабылданады. Алғашқы 3 сағат тегін, одан әрі ақылы түрде болады.
Балабақша 80 орынға арналған. Мекеме менеджері Разан әл-Дахляуидің айтуынша, бұл Харам мешіті аумағында ашылып отырған тұңғыш балабақша.
