Кеше Ұлттық кітапханада “Көкжиек-Горизонт” баспасының қолдауымен белгілі ғалым, философия ғылымдарының докторы, профессор Абуов Айдар Парқұлұлының “Қожа Ахмет Яссауидің дүниетанымы” және “Духовное наследия Яссауи” кітаптарының тұсаукесер рәсімі өтті.
Шараға белгілі қоғам қайраткерлері, ғалымдар ҚМДБ-ның өкілдері және студенттер қатысты.
Кітапта, қазіргі қазақ халқымен қатар бауырлас түркі халықтарының өзіндік санасының тарихи және рухани тамырларын зерттеу бойынша жұмыстар жүргізілген. Еңбекте әр халықтың ата-баба тамырын, рухани кодын түсінуге және сол арқылы өзіндік ұлттық сана-сезімін нығайтуға бағытталған тарихи оқиғалар баяндалады. Ұсынылған кітапта ұлы Түркі ағартушысы, Ислам дәуірінің ақыны, ойшылы Қожа Ахмет Яссауи рухани мұрасының негізгі ережелері ашылған.
Автор ортағасырлық Түркістан дәуірінің суретін және ислам мәдениетін уағыздаушылар түркі мектебінің көрнекті негізін қалаушы тұлғасының рөлін қайта жасайды. Кітапта біз Исламға дейінгі идеялар мен мифтерден жаңа дүниетаным мен ортағасырлық философияға дейінгі рухани өзіндік сананы қалыптастыру процесі қалай жүзеге асырылғанын көреміз. Бұл трансформациядағы шешуші рөлді дайындаған мұғалім – тәлімгерлердің жаңа тұжырымдамасы мен мектебін құрған Ахмет Яссауи атқарғандығы баяндалады. Ғасырлар бойы Яссауи тұжырымдаған тұжырымдама негізінде Тұран кеңістігінде исламның таралуына ықпал еткені айтылады.
Кітап, Ұлы ұстаз Қожа Ахмет Яссауи өмірі мен еңбектеріне және қазақ халқының рухани мұрасы мен танымына қызығушылық танытқан барша оқырмандарға арналған.
