Сұрақ: Интернет дамыған заманда ұстаз қаншалықты қажет?
Жауап: Жалпы ғаламтордан қандай да бір білім алу қиын емес екені мәлім. Алайда ол жерде көптеген ақпараттарды електен өткізіп отыру қажет болады. Әйтпесе онда әлем деңгейіндегі қажетті және қажет емес, дұрыс пен бұрыс ақпарат шектен тыс.
Ал енді діни мағлұмат алу үшін бағыт беруші адамның болуы ауадай қажет. Діни білімі жоқ ізденушінің ғаламтор арқылы теріс ағымға түсіп кету қаупі өте жоғары. Экстремистік және террористік немесе сол сияқты жат ағымдардың ықпалына қалай түсіп кеткенін байқамай қалады. Шам, Сирияға «жиһад» деп қоныс аударған отандастар осылай адасқан.
Сондықтан да діни тәлім үшін ұстаздың маңызы мен орны айрықша. Дінді дұрыс үйренбеген адам, өзі де басқаларды да адастырады.
Жалғас САДУАХАСҰЛЫ
