Осы апта әлем мұсылмандары 5 парыздың бірі – Рамазан оразасын ұстауды бастайды. Биыл әлем елдерінде ауыз бекіту уақыты 12 сағат пен 18 сағат аралығында болады деп күтілуде.
Соңғы жылдары Жер ғаламшарының солтүстік жағында мекен ететін мұсылмандар үшін ораза ұстау уақыты қысқарып келеді және 2031 жылға дейін әлі де қысқара береді.
Ал оңтүстік жартышардағы мұсылмандардың оразасы керісінше ұзарып жатыр.
Осы жылы ең ұзақ ораза ұстайтын елдер: Гренландия, Исландия, Финляндия, Швеция және Шотландия. Оларда ауыз бекіту уақыты 17 сағатқа созылады.
Ал ең аз ораза ұстайтындар: Жаңа Зеландия, Аустралия, Чили, Уругвай, ОАР, Парагвай және Аргентина мұсылмандары. Бұлар шамамен 12 сағаттай ауыз бекітеді.
Айта кетейік, Қазақстанда Рамазанның басында шамамен 14 сағаттай, соңында 16 сағаттай ораза ұстаймыз.
