Өткен аптада Түркияның оңтүстік-шығысында алапат жер сілкінісі болып, мыңдаған адам көз жұмды. Зілзаладан зардап шеккендерге Түркиядағы қазақстандық студенттерде қолдан келген көмекті жан-жақты көрсетуде, деп хабарлайды ҚМДБ-ның Түркиядағы өкілдігінің баспасөз қызметі.
ҚМДБ-ның тапсырмасымен Түркиядағы өкілдіктің ұйымдастыруымен «Талаба» студенттер қауымдастығының Ыстамбұл және Кония қаласындағы өкілдері Қуат Ерғали, Абдурашит Зүннун бастаған бірнеше студенттер Түркия халқына көмек көрсету үшін Хатай, Қахраманмараш, Гизиантап, Мерсин қалаларында болып, жергілікті тұрғындармен жүздесіп, қаржылық және материалдық көмек көрсетті.
Түбі бір түркі жұртына қолдау білдіруді көздеген қазақстандық студенттер мен елдегі жекелеген азаматтар және кәсіпкерлер тарапынан жиналған қаражат көлемі 10 миллион теңгені құрайды.
