Татарстанның Набережные Челны қаласындағы «Грант Alif» атты ұйым “ислами ипотека” берілетіні туралы ақпарат тарата бастады. Олардың айтуынша, бұл бағдарлама республика мүфтиятымен бірлесіп жасалған.
Дегенмен, Таратстан мүфтияты аталған ұйыммен бірлесіп мұндай бағдарламаны жасамағанын, бұл шындыққа жанаспайтынын хабарлады.
Мүфтият өкілдері бұл бағдарламаға қатысы жоқ екендіктерін, тіпті онымен таныспағанын айтуда.
«Грант Alif» сайтындағы мәліметке қарағанда бұл ұйымды Ак Барс банкі бір жыл бұрын “ислами ипотека” бағдарламасы бойынша аккредитациядан өткізген. Ал компания қызметкерлері өз жұмыстарын AAOIFI стандарттарына (халықаралық шариғат стандарттары) сай жүргізеді екен.
