Ресейдің Мемлекеттік Думасы ЛГБТ, педофилия және жыныс ауыстыру насихатына тыйым салу туралы заңды бірінші оқылымда қабылдады.
Құжатта дәстүрлі емес қатынастармен қатар, БАҚ-та, интернетте, жарнамада, әдебиет пен кинода ЛГБТ туралы ақпарат таратуға, сондай-ақ жасөспірімдерді жыныс ауыстыруға шақыруға да тыйым салынып отыр.
Бұдан былай Ресейде ішінде дәстүрлі емес сексуалды қатынастарды насихаттайтын сюжеттер бар фильмге прокаттық куәлік берілмейді. Ал ЛГБТ-ны насихаттайтын ақпараты бар тауарды, соның ішінде импорттық тауарды сатқандарға әкімшілік немесе қылмыстық жауапкершілік қарастырылған.
Сонымен бірге, «Балаларды оның денсаулығы мен дамуына нұқсан келтіретін ақпараттардан қорғау туралы» заң дәстүрлі емес сексуалды қатынастар, педофилия және олардың жыныс ауыстыруға деген қалауын оятатын ақпараттар туралы баппен толықтырылды.
«Бұл шешім балаларымызды, яғни еліміздің болашағын АҚШ пен еуропалық мемлекеттерден келетін қараңғылықтан қорғауға септігін тигізбек… Біздің ата-бабаларымыз таңдаған өз жолымыз бар. Бізде дәстүр бар, ар-ұят бар, балаларымыздың, отбасымыздың, елдің болашағын ойлау, ата-анамыз берген тәрбиені сақтау керек деген түсінік бар», – деді Мемдума төрағасы Вячеслав Володин.
Иә, бұл тұрғыда Ресей бізден озып кетті…
