«Нұр-Мүбарак» университеті студенттерінің жан-жақтылығын арттыру мақсатында Жалпыуниверситеттік гуманитарлық пәндер кафедрасы мен UNITY студенттер тобыны «Бес парызым» атты мүшайра жариялады.
Қарашаның 7-16 аралығында өткен жыр бәйгесінің мақсаты – студенттердің бойына мұсылманның бес парызының құндылығын дәріптеу. Мүшайраға 61 студент өз жұмыстарын ұсынды. Нәтижесінде:
3-орын – Сапабекова Влада, Боранбай Инабат;
2-орын – Абитилда Нұрислам;
1-орын – Қойшыбай Заңғар жеңіске жетті.
Ал Бас жүлде алған Рсымбет Пернеайымға умра қажылығына жолдама берілді.
«Нұр-Мүбарак» университетінің проректоры, PhD доктор Қайрат Құрманбаев жеңімпаздарға марапатты табыстап, ал умра қажылығына жолдама беруші – KAZAKH ROBIN GROUP компаниясының басшысы, кәсіпкер Ильяс Серікбайұлына арнайы Алғыс хат табыстады.
