Сұрақ: Ислам тек ақырет үшін керек пе?
Жауап: Бұл сұрақ дінге жаңадан келген жастардың арасында жиі қойылады. Себебі кейбір азаматтар дін деген уақытта тек ақыретті немесе өлім-жетімді ғана түсінеді. Ислам адам баласы үшін түсірілгендіктен оның бұл дүниесін һәм ақыретін де қамтиды.
Себебі дін догмасына сәйкес, дүние – мұсылманның ақыреті үшін егістік жинайтын егіс алаңы. Оның бұл дүниесі ақырет үшін маңызды, басқаша айтқанда, мұсылман ақыретте Құдай Тағаланың разылығына бөленуі үшін дүние сынақтарынан сүрінбей өтуі тиіс.
Ақыретке дүниеден аттап өте алмайды өйткені, о дүниеде есеп беру үшін адамның ашылатын амал дәптері осы дүниеде толтырылады. Ақыретте жәннатты үміт ететін пенде болуы үшін бұл дүниеде үлгілі мұсылман болу қажет.
Екінші дәлел, ислам – тек намаз бен оразаны емес, ғаламдық ғылым мен білімді, мәдениет пен өркениетті қамтыған дін.
Жалғас САДУАХАСҰЛЫ
