Нью-Йоркте өткен БҰҰ Қауіпсіздік Кеңесінің отырысында БАӘ елшісі БҰҰ жүйесіндегі ұйымдарды ИШИМ (Қазақстанда тыйым салынған террористік ұйым) туралы айтқанда «мұсылман мемлекеті» терминін қолданбауға шақырды. Оның сөзінше, террористерді дінмен бүркемелеу дұрыс емес.
Елші Мұхаммед Әбушахаб «ИШИМ мен басқа да топтардың сабырлық дінін жамылуына жол бермеуге және олардың мәлімдемелеріне сенбеуге шақырамын», – деді.
«Терроризмнің ішінде исламға қатысты ештеңе жоқ», – деп ойын түйіндеді Әбушахаб.
Оның мәліметінше, қазіргі күні босқындарға арналған Әл-Хол лагерінде 25 000-нан аса бала радикализация ұшырау қаупінде тұр. Олардың болашақтары жарқын да тыныш болуы үшін бар күш-жігерімізді салуымыз керек, деді ол.
Фото: uaeun.org
