Белгілі ғалым Хафиз Ширазидің баласы түнгі тәхажжүд намазын оқыған соң, әкесіне:
– Әке, адамдар мына намазды оқымай ғапылдықта жүр ғой? – деп айтыпты. Сонда, Хафиз Ширази (р.а):
– Балам, сен осы сөзді айтып, тәхажжүд намазын оқығанша, оқымағаның жақсы еді. Өйткені, сен бұл жерде екі қателікке жол бердің.
Біріншісі – құлшылығыңды басқалардан абзал көрдің.
Екіншісі – мұсылмандардың намысына тиетін сөз айттың.
Әркім құлшылығын Алла ризалығын тілеп, өзі үшін жасайды, оның сауабын Алла ғана береді. Сондықтан басқалардан ғибадатыңды артық санама.
Ал өзің ғибадат жасасаң, басқа жасамағанды айыптама. Ертең ол сенен де артық ғибадат жасауы мүмкін, – деген екен.
Алла баршамызға қабыл болатын амал жасауға жазсын!
Қуат ҚАБДОЛДА
