Қасиетті Рамазан айында Қазақстанда Рамазан есімді 1085 ұл бала және Мәдина есімді 430 қыз бала дүниеге келген. Сәуір айында ең көп қойылған есімдер осылар.
Ұлттық статистика бюросының мәліметінше, ұлдар арасында екінші көп қойылған есім – Айсұлтан. Ол 248 нәрестеге берілген. Үшінші орында – 174 балаға қойылған Әлихан есімі.
Қыз балалар арасында Мәдинадан кейінгі екінші және үшінші орындарда Раяна (383 бала) және Аиша (343 бала) есімдері.
Жалпы Рамазан айында елімізде туған сәбилерге негізінен мұсылманша аттар қойылғанын көруге болады. Мәселен, олардың ішінде Әли, Ислам, Мұхаммед, Мүсілім, Дінмұхаммед, Әмина, Ясина, Фатима есімдері көп.
